Намеснік кіраўніка Нацбанка можа перайсці ў камерцыйны банк
Паводле неафіцыйнай інфармацыі, Сяргей Дубкоў пяройдзе ў кіраўніцтва "Белінвестбанка".
Намеснік старшыні праўлення Нацыянальнага банка Сяргей Дубкоў можа перайсці ў камерцыйны банк. Неафіцыйна паведамляецца, што банкір пераходзіць у "Белінвестбанк", дзе таксама будзе займаць кіраўнічую пасаду, перадае БелаПАН.
Паводле інфармацыі Нацбанка, кандыдатура Дубкова прайшла ацэнку адпаведнасці кваліфікацыйным патрабаванням і патрабаванням да дзелавой рэпутацыі, яна адобраная кваліфікацыйнай камісіяй у якасці аднаго з кіраўнікоў камерцыйнага банка.
Дарэчы, "Белінвестбанк" — чацвёрты па велічыні банк Беларусі. Да 2020 года урад павінен прадаць Еўрапейскаму банку рэканструкцыі і развіцця кантрольны пакет "Белінвестбанка".
Сяргей Дубкоў працуе ў Нацбанку з 1998 года. Намеснікам старшыні праўлення Нацбанка ён стаў у лістападзе 2010 года.
Фота: СТВ
