Нацбанк знізіў стаўку рэфінансавання да 25% гадавых
Праўленне Нацыянальнага банка Беларусі зніжае яе трэці раз у 2013 годзе. На гэты раз на 2 працэнтных пункты (раней — двойчы на 1,5) з 15 траўня.
Гэтае рашэнне тлумачыцца ацэнкай далейшага замаруджвання інфляцыі. Паводле Нацбанка, больш хуткія тэмпы зніжэння стаўкі рэфінансавання сталі магчымымі, дзякуючы спрыяльнай сітуацыі на валютным рынку і высокім тэмпам росту тэрміновых дэпазітаў у нацыянальнай валюце, інфармуе "Интерфакс-Запад".
Нагадаем, ад велічыні стаўкі рэфінансавання залежыць, у прыватнасці, велічыня працэнтных ставак па крэдытах, якія камерцыйныя банкі прадастаўляюць фізічным і юрыдычным асобам.
Фота — sb.by