Нацбанк: Абмяжоўваць абарачэнне валюты ў Беларусі ніхто не збіраецца
У галоўным банку краіны назвалі "выключнай дурасцю" паведамленні, пра нібыта падрыхтоўку рашэння па абмежаванні абарачэння валюты ў краіне.
Начальнік упраўлення інфармацыі Нацыянальнага банка Аляксандр Цімашэнка ў каментары interfax.by адзначыў, што ва ўмовах Мытнага саюза і фармавання Еўразійскага эканамічнага саюза рэалізацыя такіх забаронных мер проста немагчымая.
Звесткі пра падрыхтоўку забароны на абарачэнне долара і еўра з'явіліся на шэрагу інтэрнэт-рэсурсаў, у тым ліку расійскіх.
Фота — telegraf.by
