На Віцебшчыне раскрылі разбойны напад на смаленскага таксіста
Жыхар расійскага горада ўзяў чатырох пасажыраў, не падазраючы, што сярод іх будуць зламыснікі.
На Віцебшчыне раскрылі разбойны напад на таксіста са Смаленска. Інцыдэнт здарыўся ў сераду, 25 сакавіка. 54-гадовы кіроўца таксоўкі з расійскага горада ўзяў чатырох пасажыраў — траіх мужчын і адну жанчыну. Усім ім трэба было ў Беларусь, у Аршанскі раён.
Пад Лёзнам пасажыры папрасілі кіроўцу спыніцца, пасля чаго мужчыны сталі душыць яго ўдаўкай. Яны адабралі ў таксіста 1100 расійскіх рублёў і загадалі ехаць у патрэбным ім кірунку. Праз некаторы час яны зноў загадалі спыніцца і выйшлі з машыны, каб набыць прадуктаў. Кіроўца змог гэтым скарыстацца: ён заблакаваў замкі на дзвярах і з’ехаў разам з жанчынай-сведкам.
Разам яны даехалі да бліжэйшага населенага пункта і там звярнуліся да праваахоўнікаў. Міліцыянты ў Аршанскага РАУС затрымалі па гарачых слядах траіх жыхароў Магілёўскай вобласці, якія і здзейснілі напад — гэта маладыя мужчыны ад 22 да 28 гадоў.
Усіх траіх узялі пад варту. Іх падазраюць у разбоі, здзейсненым групай асобаў, паведамляе прэс-служба Следчага камітэту па Віцебскай вобласці.