На вагонах мінскага метро змесцяць рэпрадукцыі вядомых карцін

Адзін састаў будзе курсіраваць па Маскоўскай лініі, другі — па Аўтазаводскай, паведамляюць "Мінск-Навіны". Гендырэктар мастацкага музея Уладзімір Пракапцоў кажа, што на вагонах будуць выявы васьмі вядомых твораў аўтарства Вітольда Бялыніцкага-Бірулі, Фердынанда Рушчыца, Івана Хруцкага ды іншых жывапісцаў.

Малююнкі будуць аддрукаваныя ў фармаце 60×75 см і расклееныя з вонкавага боку вагона. Такім чынам, мастацкі музей нагадае пасажырам метро пра сваё 75-годдзе.

Праехаць у вагоне з рэпрадукцыямі і лагатыпам Нацыянальнага мастацкага музея можна будзе ўжо ў верасні.

Фота — minsknews.by