На станцыі мінскага метро “Купалаўская” загінуў мужчына
На станцыі мінскага метро “Купалаўская” загінуў мужчына, інфармуе партал tut.by. У панядзелак у 12:25 ён упаў з платформы на рэйкі і яго пераехаў цягнік. Сведкі кажуць, што паспелі праехаць адзін ці два вагоны. Цела невядомага дасталі на платформу без прыкмет жыцця.
Рух на Аўтазаводскай лініі быў адноўлены ў 12:38, а вось станцыю “Купалаўская” часова закрылі, такое рашэнне прынялі праваахоўнікі — на месцы працавала следча-аператыўная група. Цягнікі на ёй не спыняліся, а пасажыраў не прапускалі. На відэа БЕЛТА відаць, як шмат людзей сабралося каля ўваходу на станцыю. Доступ быў адкрыты ў 13:45.
Як напісала ў Facebook афіцыйная прадстаўніца УСК па Мінску Марына Дранькова, загінулы — 49-гадовы ўраджэнец Валожына. Для высвятлення дакладнай прычыны смерці прызначылі судмедэкспертызу.
Под поезд, на котором мы ехали, упал человек. Станция метро Купаловская, его переехало одним или двумя вагонами. Сотрудники метрополитена выводили нас через ту дверь, под которой он лежит. Сказали, что не имеют права его доставать.
— Maria_Tsiukhai (@Tsiukhai_Maria) 26 марта 2018 г.
Едем домой на такси. @tutby