На Смаргоншчыне настаўнік фізкультуры скраў у школьніка дарагі гадзіннік
У Смаргонскім раёне праваахоўнікі пачалі крымінальную справу на настаўніка адной з мясцовых школ, паведамляе УУС Гродзенскага аблвыканкама.
Здарэнне адбылося напрыканцы мінулага тыдня. Вучні старэйшых класаў займаліся фізкультурай у спартзале школы. Вучні пакінулі ў інвентарным пакоі свае каштоўныя рэчы: гадзіннікі, крыжыкі, мабільныя тэлефоны. Напрыканцы заняткаў адзін са школьнікаў забыў там свой гадзіннік коштам каля 200 долараў. Нячысты на руку настаўнік пакінуў гэты гадзіннік сабе.
Міліцыянты вярнулі ўладальніку скрадзеную рэч.
