На шахце ў Салігорску загінуў 22-гадовы рабочы
![На шахце ў Салігорску загінуў 22-гадовы рабочы](/sites/default/files/styles/gallery_main/public/2023-08/shachta-1511.jpg.webp?itok=73bD_6Io)
Салігорскі райаддзел Следчага камітэта пачаў крымінальную справу пасля гібелі рабочага ў шахце ААТ "Беларуськалій". Справа пачатая па факце парушэння правілаў эксплуатацыі машын і механізмаў пры вытворчасці горных работ, што пацягнула па неасцярожнасці смерць чалавека.
Трагічны выпадак здарыўся зранку 14 лістапада. 22-гадовы машыніст горна-выемачных машын рамантаваў няспраўнасць горнай тэхнікі, якая забяспечвае высечку парод. Хлопец атрымаў смяротную траўму.
Каб высветліць акалічнасці здарэння, следчыя спускаліся ў шахту. Яны агледзелі месца здарэння, сабралі і зафіксавалі сляды. Следства прызначыла шэраг экспертыз, праводзіцца комплекс следчых дзеянняў.