На праспекце Пушкіна ў Мінску — "мёртвы" затор: не ехаў зусім ніхто (відэа)
На скрыжаванні не працавалі святлафоры, што, верагодна і прывяло да транспартнага калапсу.
Увечары 29 студзеня ў Мінску на скрыжаванні вуліцы Прытыцкага з праспектам Пушкіна ўтварыўся вялікі дарожны затор. Рух транспарту спыніўся ва ўсіх напрамках на некалькі гадзінаў.
Па словах відавочцаў, святлафоры не працавалі, таму аўтамабілі не маглі раз'ехацца. З грамадскага транспарту пачалі выходзіць пасажыры ды ісці пешшу.
Вялікія заторы прасціраліся ў бок праспекта Жукава і вуліцы Кальварыйскай.
Каля 20-й гадзіны затор усё яшчэ захоўваецца.