На Кубак Беларусі па дрыфтынгу не прыбылі замежныя спартоўцы (фота)
Прычынай сталі разнастайныя арганізацыйныя і тэхнічныя накладкі.
Спаборніцтвы прайшлі ў Пінску. Удзел у іх прынялі 11 дрыфтараў замест заяўленых 20. Усе яны прадстаўлялі Беларусь, хаця арганізатары абяцалі ўдзел гоншчыкаў з Літвы, Украіны і Расіі.
Нягледзячы на залеву каля чатырох тысяч заўзятараў прыйшлі на пінскі стадыён ДТСААФ паглядзець гонкі спартовых аўтамабіляў. Мокры асфальт не дазволіў гоншчыкам паказаць усю відовішчнасць гэтага віда спорту — не хапала дыму ад паленых пакрышак. Дарэчы, колькасць дыму з пад колаў спорткара ўплывае на ацэнку суддзяў.
Пераможцам спабору ў Пінску стаў Аляксей Вішнеўскі з Мінску.