На беларуска-літоўскай мяжы чэргі грузавікоў засталіся толькі ў Каменным Логу
На беларуска-літоўскай мяжы чэргі грузавікоў засталіся толькі ў Каменным Логу — там стаіць 110 машын. У астатніх пунктах пропуску праезд цалкам вольны. Гэта вынікае з аператыўнай інфармацыі на сайце Дзяржаўнага памежнага камітэта па стане на 10.00.
Напярэдадні позна ўвечары на літоўскай мяжы выезду з Беларусі чакала значная колькасць грузавых фураў. У Каменным Логу было 160 грузавікоў, у Беняконях — 35, у Катлоўцы — 25, у Прывалцы — 20. Як бачна, за ноч чэргі разышліся.
На іншых участках беларускай мяжы ў нядзелю раніцай таксама вольна, толькі на пераходзе Казловічы (мяжы з Польшчай) стаіць 5 грузавых фур і 20 легкавікоў.
