МЗС Расіі абвінаваціла ЕС ва ўмяшанні ва ўнутраныя справы Беларусі перад выбарам

МЗС Расіі абвінаваціла ЕС ва ўмяшанні ва ўнутраныя справы Беларусі перад выбарам

МЗС Расіі лічыць, што Еўрасаюз умешваецца ва ўнутраныя справы Беларусі напярэдадні прэзідэнцкіх выбараў. Пра гэта афіцыйная прадстаўніца расійскага ведамства Марыя Захарава заявіла на брыфінгу 23 ліпеня. 

Па яе словах, менавіта з падачы Бруселя ў Савеце па правах чалавека ААН была прынятая рэзалюцыя па сітуацыі з правамі чалавека ў Беларусі. 

"На фоне бесперапыннага патоку абвінавачванняў з боку заходніх партнёраў пра нібыта расійскі след у выбарах у іх краінах, прычым усё гэта як заўсёды бяздоказна, выклікае здзіўленне тое, што як належнае ўспрымаецца ўласнае рэальнае, а не ўяўнае ўмяшанне ва ўнутраныя справы суверэннай дзяржавы з дапамогай ініцыявання такіх рашэнняў Савета. Лічым такі падыход недапушчальным", — заявіла Захарава.

Яна паведаміла, што "многія так званыя развітыя дэмакратыі" скарысталіся праблемамі ў працы ААН ва ўмовах пандэміі COVID-19. Па словах Захаравай, яны займаюцца "прасоўваннем уласнага тлумачэння інтэрпрэтацыі мэтаў і прынцыпаў Статута ААН з прыцэлам на перакройванне ўсёй архітэктуры міжнародных адносін".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі