Мужчыну аштрафавалі на 14 млн за траўму, якую ў яго кватэры атрымаў сантэхнік

Мужчыну аштрафавалі амаль на 14 млн рублёў за траўму, якую ў яго кватэры атрымаў сантэхнік. Здарэнне адбылося ў Брэсце. Як піша газета "СБ. Беларусь сегодня", некалькі месяцаў таму гаспадар кватэры вырашыў устанавіць кандыцыянер і наняў па аб'яве спецыялістаў, якія не мелі дакументаў і сертыфікатаў, але работу выканалі. Праз нейкі час для ўстаноўкі цеплавога лічыльніка мужчына выклікаў сантэхніка з таварыства ўласнікаў. Калі той выпадкова дакрануўся сантэхнічнай нішы, яго моцна ўдарыла электрычным токам.

Як распавёў выданню суддзя суда Ленінскага раёна Брэста Алег Міранюк, маладога чалавека шпіталізавалі. У яго, акрамя электратраўмы, быў закрыты пералом левай плечавой косці. Сантэхнік згубіў працаздольнасць на паўгода.

Справу разглядаў суд, які і вынес рашэнне аб грашовай кампенсацыі пацярпеламу. Падчас агляду кватэры спецыялістамі высветлілася, што мантажнікі правялі кабель сілкавання кандыцыянера якраз праз сантэхнічную нішу. Яны не ўлічылі, што супраціўленне яе металічнай абшыўкі ніжэй нормы ў некалькі разоў. Атрымалася, што сістэму ацяплення яны фактычна падключылі да сістэмы энергазабеспячэння.