“Мне патрэбная твая вопратка, касметычка і матацыкл”

"Нас тры гадзіны абшуквалі, есці і піць не давалі, трымалі ў душным памяшканні і дапытвалі. Здымаць фота і відэа не дазвалялі. На вуліцы нас чакала куча спецназа, а ў небе мы бачылі нейкія верталёты. Увогуле, было вельмі нядобразычлівае стаўленне. Абшуквалі дасканала, кожную шкарпэтку і касметычку, усе асабістыя рэчы, усё рабілі жорстка, хоць і ў рамках закона", — расказаў байкер з “Начных ваўкоў” Андрэй Баброўскі ў эфіры канала Life News. Байкераў не пусцілі ў ЕС — на польскай мяжы іх развярнулі і паведамілі, што візы ануляваныя. Сацыяльныя сеткі адрэагавалі на гэта — так з'явіўся хэштэг #касметычка.