"Мінсктранс" дапаможа даехаць на канцэрт гурта "Ляпис Трубецкой" (фота)
На сайце дзяржаўнага прадпрыемства змешчана паведамленне пра віленскі канцэрт беларускага гурта.
Як паведамляла Еўрарадыё, 30 лістапада ў Вільні, у Siemens Arena, адбудзецца прэзентацыя альбома "Грай".
"Мінсктранс" паведамляе, што "у сувязі з правядзеннем у г. Вільнюс 30.11.2013 сольнага канцэрта гурта "Ляпис Трубецкой" дзяржаўнае прадпрыемства "Мінсктранс" выдзяляе звыш 8 (васьмі) дадатковых аўтобусаў, яшчэ 2 (два) дадатковыя аўтобусы па міжнародным маршруце "Мінск — Вільнюс — Мінск". У інфармацыі прыводзіцца і графік руху аўтобусаў.
