Мінгарвыканкам забараніў праводзіць у Мінску антываенныя пікеты
Гарадскія ўлады не задаволілі ніводнай заяўкі на правядзенне пікетаў каля амбасады Расіі з патрабаваннем спыніць ваенныя дзеянні ва Украіне.
Усяго было пададзена каля 20 заявак, у тым ліку паэтам Славамірам Адамовічам, намеснікамі старшыні руху "За Свабоду" Юрыем Губарэвічам і Алесем Лагвінцом. Ва ўсіх выпадках заяўкі былі адхіленыя. На думку мінскіх чыноўнікаў, адзінкавыя пікеты будуць перашкаджаць кіроўцам і наносіць шкоду зялёным насаджэнням.
Рух "За Свабоду" выступіў з ініцыятывай арганізацыі "каруселі пікетаў", прапанаваўшы кожны дзень падаваць заяўкі на іх правядзенне.