Мінчук абгарэў у сваёй кватэры пры ўспышцы газу (фота)

Мінчук абгарэў у сваёй кватэры пры ўспышцы газу (фота)

Нядзельная раніца 7 жніўня стала нешчаслівай для мінчука, які жыве ў шматкватэрным доме на вуліцы Славінскага.

Пра надзвычайнае здарэнне ў яго кватэры ратавальнікі даведаліся ад медыкаў з гарадской станцыі хуткай медыцынскай дапамогі. Як адзначае прэс-служба МНС, на месцы выкліку пажарнікі не пабачылі нічога надзвычайнага.

Аднак у самой кватэры, як выявілася, адбылася ўспышка газа-паветранай сумесі з 5-літровага газавага балона. Пры ўспышцы гаспадар кватэры атрымаў апёкі галавы, шыі, тулава першай-трэцяй ступеняў. Плошча апёкаў склала 60% плошчы цела, прычым 40% — глыбокія апёкі. Мужчыну шпіталізавалі ў лякарню.

Дарэчы, падчас здарэння ў суседнім пакоі была жонка гаспадара, але яна не пацярпела.

Эксперты высвятляюць прычыну здарэння. Пакуль што разглядаецца версія, што прычынай стала парушэнне правілаў эксплуатацыі газавых прыладаў і агрэгатаў.

Праверкай здарэння займаецца Следчы камітэт.

 

Апошнія навіны

Галоўнае

Выбар рэдакцыі