Міліцыя забараняе журналістам фатаграфаваць мужчыну на стадыёне "Дынама"
Забарона закранула нават журналістаў тэлеканала АНТ.
Да стадыёна "Дынама" прыбыла вялікая колькасць супрацоўнікаў міліцыі. Яны забараняюць журналістам весці здымкі здарэння. Пад забарону трапілі ў тым ліку і журналісты тэлеканала АНТ, якія прыехалі да стадыёна.
Міліцыянты спярша забралі пашпарты ў журналістаў, аднак потым вярнулі дакументы.
Нагадаем, 28 красавіка на мінскім стадыёне "Дынама" мужчына забраўся на вежавы кран. Паводле папярэдніх звестак, ён працуе на рэканструкцыі стадыёна і патрабуе выплаціць яму заробак.