Міліцыя: Пакуль невядома, калі мінскае метро адновіць працу (фота)
Прыкладна а 15-й гадзіне ў сераду ў сталіцы былі закрытыя ўсе станцыі метрапалітэна, цягнікі спыніліся, людзей эвакуявалі.
Вось што паведаміў Еўрарадыё прэс-афіцэр мінскай міліцыі Аляксандр Ластоўскі:
“У міліцыю паступіла інфармацыя, што на некаторых станцыях могуць знаходзіцца падазроныя прадметы. У сувязі з гэтым было прынята рашэнне аб перакрыцці руху метрапалітэна і працы станцый толькі на выхад. Для таго, каб праверыць, наколькі атрыманая інфармацыя адпавядае рэчаіснасці”.
Па словах Ластоўскага, пакуль немагчыма сказаць, калі метро адновіць працу. У міліцыі раяць пасажырам выбіраць іншыя віды грамадскага транспарту.
Фотафакт: Аўтазакі ў цэнтры Мінска
Фота Арцёма Мартыновіча, Еўрарадыё
