Меркель абмеркавала з Пуціным міграцыйны крызіс на беларуска-польскай мяжы
Ангела Меркель абмеркавала з Уладзімірам Пуціным міграцыйны крызіс на беларуска-польскай мяжы, паведамляе Deutsche Welle.
Кіраўніца нямецкага ўрада назвала негуманнай і непрымальнай "інструменталізацыю мігрантаў", якую ажыццяўляе афіцыйны Мінск. Яна заклікала расійскага прэзідэнта аказаць ціск на беларускія ўлады.
Мігранцкі крызіс на беларуска-польскай мяжы абвастрыўся ў апошнія некалькі дзён. Некалькі соцень мігрантаў спрабуюць нелегальна трапіць на тэрыторыю Польшчы, каб адтуль далей адправіцца ў Германію. Каб стрымаць плынь нелегальнай міграцыі, Польшча павялічыла колькасць войскаў на мяжы да 15 тысяч чалавек.
