Майлі Сайрус выйшла за ўзнагародай MTV Europe Music Awards з касяком
"Узнагарода ў маю сумачку не ўлезе, затое я знайшла там вось што", — поп-спявачка так пракаментавала сваю перамогу ў намінацыі лепшае відэа.
Цырымонія ўручэння ўзнагарод MTV Europe Music Awards прайшла ў Амстэрдаме. Пераможцаў вызначалі гледачы шляхам галасавання.
Лепшым поп-калектывам MTV EMA прызнаны брытанскі бойз-бэнд One Direction. Лепшай выканаўцай стала Кэці Пэры, лепшым спеваком — Джасцін Бібер. Узнагароду за лепшую песню атрымаў Бруна Марс. Статус лепшага рок-гурта атрымалі Green Day. У катэгорыі “Альтэрнатыўная музыка” ўзнагарода дасталася гурту 30 Seconds to Mars. Усяго было ўручана 16 прэмій.
Дарэчы, у намінацыі Лепшы артыст Усходняй Еўропы на ўзнагароду прэтэндавала і Земфіра. Аднак прыз адышоў паляку Камілу Бэднарыку.
Паводле lenta.ru
Фота: www.dailymail.co.uk
