Максім Пакроўскі: Пасля Пуціна Расію чакае чарговы Пуцін — размова
Ад пачатку вайны расійскі гурт "Ногу Свело!" выпусціў 5 песень з назвамі, якія гавораць самі за сябе — "Украина", "Назад, Россия!", "Поколение Z", "Буква Zю", "Нам не нужна война!". А лідар каманды, Максім Пакроўскі, даў безліч інтэрв'ю, у якіх асуджае палітыку Расіі і ваенную агрэсію гэтай краіны супраць Украіны.
Еўрарадыё таксама пагутарыла з Максімам. Пра тое, ці не балюча, што ўкраінцы адмаўляюцца прымаць ягоную антываенную рыторыку, што будзе з яго краінай пасля Пуціна, які лёс чакае артыстаў, якія ездзяць у Z-трыпы, ці хоча ён украінскі пашпарт, якой бачыць будучыню Беларусі пасля перамогі Украіны.
