Магілёўцу зламалі нос, калі ён з жонкай выбіраў вазок для дзіцяці
![Магілёўцу зламалі нос, калі ён з жонкай выбіраў вазок для дзіцяці](/sites/default/files/styles/gallery_main/public/2023-08/udar-0211.jpg.webp?itok=nrgzucGR)
32-гадовы магілёвец стаў ахвярай неабгрунтаванага нападу на мясцовым Віленскім рынку, калі разам з жонкай выбіраў вазок для дзіцяці.
Як пішуць "Магілёўскія ведамасці", па рынку разам з сябрам гуляў 37-гадовы ліцейшчык мясцовага прадпрыемства. У нейкі момант ён заявіў прыяцелю: “Глядзі, як я магу”. Пасля гэтага падбег да незнаёмага мужчыны і ўдарыў яго ў твар.
Ад удару пацярпелы атрымаў закрыты пералом костак носа. Зламысніка затрымалі. На яго могуць пачаць крымінальную справу за хуліганства.