Лукашэнку падарылі партрэт, створаны з яго ж словаў (фота)
Кіраўнік дзяржавы пакакетнічаў: "Няўжо я столькі нагаварыў?"
На сустрэчы Аляксандра Лукашэнкі з кіраўнікамі і калектывамі дзяржаўных СМІ кіраўніку дзяржавы падарылі партрэт, створаны з яго словаў.
Уручыў падарунак старшня Белтэлерадыёкампаніі Іван Эйсмант. "Што тычыцца вас, у гэты раз мы вось такі зборны вобраз... Гэты партрэт створаны з слоў, якія вы часцей за ўсё прамаўляеце", — перадае БЕЛТА словы Эйсманта.
Лукашэнка, прымаючы падарунак, пакакетнічаў: "Калі са слоў, то добра. Хоць партрэты ў свой адрас я вельмі дрэнна ўспрымаю. Але са слоў — гэта цікава. Няўжо я столькі нагаварыў?.."
На фота з сустрэчы, праўда, кепска бачна, чым гэты партрэт адрозніваецца ад іншых выяваў Лукашэнкі.