Лукашэнка — пра школы: трэба паступова пачынаць вучыцца

У Беларусі з-за сітуацыі з каранавірусам веснавыя канікулы замест тыдня працягваюцца тры тыдні. Чацвёртая навучальная чвэрць пачнецца ўжо ў пачатку наступнага тыдня. Напярэдадні Мінадукацыі паведаміла, што толькі каля 40% вучняў цяпер гатовыя прыйсці на заняткі ў школы.

Лукашэнка на Лідчыне неаднаразова паўтарыў, што "трэба пачынаць вучыцца" і таксама некалькі разоў падкрэсліў: "марудна, спакойна".

"У вёсцы няма праблем (...усе на пасяўной, куды падзець дзяцей?), — гаварыў беларускі кіраўнік. — І праблем там няма. Вострыя рэспіраторныя вірусныя інфекцыі ўжо скончыліся".