Лукашэнка: Наўрад ці я перамог бы на выбарах, калі б цяпер быў у апазіцыі
Кіраўнік дзяржавы кажа, што прэзідэнцкія выбары ў 1994 годзе праходзілі ў больш жорсткай абстаноўцы, чым цяпер.
На пытанне Змітра Лукашука пра тое, ці змог бы Лукашэнка-апазіцыянер 1994 года перамагчы на выбарах Лукашэнку-прэзідэнта 2015 года, кіраўнік дзяржавы адказаў так:
"Тады яшчэ больш жорстка было. Тады заплацілі людзям і сказалі: "Вось так вось павінна быць". Але тады людзі валам ішлі за Лукашэнку галасаваць. Тады яшчэ больш жорстка лічылі. Не ў гэтым справа. Сітуацыя іншая — і знешняя, і ўнутраная. Але наўрад ці я перамог бы, калі б цяпер быў на іх месцы. Таму што людзі многае зразумелі. Цяпер у людзей ёсць, што губляць. Ніхто не хоча жыць у ваюючай краіне".
Фота: БЕЛТА
