Лісы — сябры чалавека, а Марго Робі спрадзюсуе "Манаполію" — #ІхНоравы

12/04/2024 - 14:55

#ІхНоравы / @rubanau_collage

Мы знайшлі ў свеце выбары, якія праходзяць яшчэ больш жорстка, чым у Беларусі. Расказваем пра іх у кароткім аглядзе сусветных навін за 12 красавіка.

Але будуць у нас і добрыя, і пазітыўныя навіны. Не толькі ўвесь вось гэты вось трэш.

"Даволі жыць у страху"

Па ўсёй Мексіцы забіваюць кандыдатаў у мэры напярэдадні выбарчай кампаніі. У мэраў там шырокія паўнамоцтвы: яны размяркоўваюць грошы, якія ідуць з падаткаў, кіруюць доступам да прыродных рэсурсаў і могуць камандаваць паліцыяй. Таму мясцовыя банды і наркакартэлі хочуць, каб у мэры патрапілі "патрэбныя людзі".

Вось, напрыклад, Хесус Карона Даміян вылучыўся на пасаду мэра мексіканскага горада Куаутла. А пасля яму пачалі прыходзіць пагрозы ад мясцовых банд. Пасля адной з такіх пагроз палітык вырашыў ездзіць у машыне з вокнамі з куленепрабівальнага шкла. І добра, бо неўзабаве яго паспрабавалі застрэліць — але шкло аўтамабіля спыніла кулі.

Пасля гэтага Даміян не адмовіўся ад планаў быць мэрам, а заявіў журналістам: "Даволі жыць у страху".

Усяго за некалькі дзён да нападу на Даміяна, кандыдата ў мэры горада Акацынга застрэлілі на стаянцы. За тыдзень да гэтага ў іншым горадзе кандыдата, які збіраўся пераабрацца на чацвёрты тэрмін, забілі на скрыжаванні каля цэнтральнай плошчы.

Новага ірландскага прэм'ера, зразумела, крытыкуюць у Ізраілі. Там уважліва паслухалі дэбютную прамову Харыса перад парламентам: у ёй ён казаў пра "недаравальныя тэрарыстычныя дзеянні ХАМАС" і пра "непрапарцыйную рэакцыю ізраільскага ўрада", абапіраючыся на палясцінскія звесткі.
А па звестках Міністэрства аховы здароўя сектара Газа (ім кіруе ХАМАС) з пачатку вайны ў анклаве загінула больш за 33 тысячы чалавек.

У Тэль-Авіве заўважылі, што новы прэм'ер нічога не сказаў пра закладнікаў, якіх ад 7 кастрычніка ўтрымлівае ХАМАС.

Здаецца, лісы былі нашымі сябрамі

Навукоўцы знайшлі старажытную магілу на тэрыторыі сучаснай Аргентыны. У пахаванні побач са шкілетам чалавека ляжаў шкілет... лісіцы. Здаецца, калісьці яны канкуравалі з сабакамі за сімпатыю чалавека.

Навукоўцы даследавалі калаген у парэштках лісіцы і выявілі, што яна харчавалася той самай ежай, што і людзі, якія жывуць на гэтай тэрыторыі.

"Гэта сведчыць пра тое, што альбо супольнасць яе карміла, альбо яна сілкавалася кухоннымі адходамі", — робяць выснову навукоўцы. А гэта значыць — лісіца была прыручаная. Верагодна, яе трымалі як хатнюю жывёлу.

Разумеем вашу рэакцыю, але папярэджваем: не паўтарайце, калі ў вас няма двух тысяч гадоў на прыручэнне сучасных лісіц.

“Барбі-2”

Калі вы не з тых, хто думае, што "Манаполія" — самая нудная настолка ў свеце, вам спадабаецца гэтая навіна. Хутка выйдзе... фільм па матывах "Манаполіі".

Праект знаходзіўся ў распрацоўцы больш за 10 гадоў. Прадзюсаваць яго ўзялася кампанія актрысы Марго Робі. Яна надоечы працавала як прадзюсар над леташнім хітом "Барбі", дзе актрыса знялася ў галоўнай ролі.

"Я не ведаю, ці мусіць гэты фільм быць "Барбі-2". Чаму гэта не можа стаць яшчэ адной вялікай, арыгінальнай, смелай ідэяй, для якой у нас будзе выдатнейшы рэжысёр, вялікі бюджэт і давер велізарнага кангламерату, які стаіць за імі?" — задаецца пытаннем Робі.

Карацей, пасля таго, як рэжысёры перазнялі ўсе класічныя дыснэеўскія мульцікі, яны плануюць пераасэнсаваць гісторыі нашых класічных лялек і гульняў. Постмадэрн, які мы заслужылі?