Лабковіч: Міліцыянты не пазначылі, якую норму закона мы парушылі

Учора іх затрымлівалі падчас раздачы ў цэнтры Мінска паштовак з выявай палітвязня Алеся Бяляцкага. Іх абвінавацілі ў правядзенні "несанкцыянаванага масавага мерапрыемства ў форме пікета".



Аднак у судзе Савецкага раёна ў панядзелак палічылі, што пратаколы складзеныя няправільна і накіравалі іх на дапрацоўку, праваабаронцаў вызвалілі.



Уладзімір Лабковіч у гутарцы з Еўрарадыё распавёў, якую памылку зрабілі міліцыянты:



"Яны не ўказалі, якую менавіта норму закона аб масавых мерапрыемствах мы парушылі. Улічваючы тое, што артыкул 23.34 КоАП РБ адсылае да іншага закона. Адміністрацыйна-працэсуальны кодэкс патрабуе, каб было пазначана, якая норма канкрэтнага закона была парушана".


У міліцыю Лабковіч і Равяка мусяць з'явіцца а 11-й гадзіне. Верагодна, іх чакае суд.



Фота — svaboda.org
 

Апошнія навіны

Галоўнае

Выбар рэдакцыі