"Куклы" вярнуліся на вялікую сцэну (фота)
Пасля пяцігадовага перапынку гурт Сяргея "Sanki" Дубовіка ў арыгінальным складзе адыграў сэт у мінскім парку Dreamland.
"Куклы" былі спецыяльна запрошанымі гасцямі на фінале беларускага адбору на "Соседний мир". Канцэрт пачаўся з вялікім спазненнем, таму выступ хардкор-фармацыі прыпаў на позні вечар.
"Куклы" — адкрыццё года на "Рок-каранацыі 2003". У сярэдзіне 2000-х група збірала аншлагавыя канцэрты і стала лідарам мінскай альтэрнатыўнай сцэны. Аднак у 2008 годзе бас-гітарыст і вакаліст "Кукол" Сяргей "Sanki" Дубовік вырашыў перапыніць дзейнасць гурта, бо той "не прагрэсаваў".
Падрабязнасці ў фотарэпартажы Еўрарадыё!
