Крама “Электрасіла”: Усе растэрміноўкі прыпыненыя Нацбанкам
Офісы МТС і Вэлком пакуль яшчэ афармляюць растэрміноўку на тэлефоны і планшэты.
Крэдытаванне прыпыненае рашэннем Нацбанка. Пра гэта Еўрарадыё паведамілі ў краме “Электрасіла” па вуліцы Прытыцкага.
Супрацоўніца крамы: “Растэрміноўкі ўжо нідзе не афармляюць. Гэта пастанова Нацбанка”.
Пры гэтым офісы і інтэрнэт-крамы МТС і Вэлком пакуль прадаюць тэлефоны і планшеты ў растэрміноўку. Еўрарадыё паабяцалі, што да вечара нічога не зменіцца.
Атрымаць афіцыйны каментар Нацбанка Еўрарадыё пакуль не ўдалося.