“Кодэкс гонару” забараняе студэнтам удзел у несанкцыянаваных акцыях (фота)
“Кодэкс гонару студэнтаў” пачалі распаўсюджваць у гомельскім дзяржуніверсітэце імя Ф. Скарыны. У дванаццаці артыкулах запісана, што мусіць выконваць студэнт дадзенага ВНУ: не спазняцца і не прапускаць лекцыі, добрасумленна вучыцца, "катэгарычна адмовіцца" ад тытуню і алкаголю на тэрыторыі ўніверсітэту, займацца фізкультурай. Згодна з артыкулам №11, студэнт "не дапускае распаўсюджвання інфармацыі антыграмадскага зместу, накіраванай на дэстабілізацыю правапарадку, не ўдзельнічае ў несанкцыянаваных мінтынгах і акцыях".