КДБ затрымаў змагара з арганізаванай злачыннасцю Уладзіміра Ціхіню

Камітэт дзяржаўнай бяспекі затрымаў былога начальніка 2-га аддзялення ГУБАЗіК МУС Уладзіміра Ціхіню.

У каментары "Нашай Ніве" затрыманне Ціхіні пацвердзіў яго сын: "Бацька быў затрыманы 24 студзеня, знаходзіцца ў СІЗА КДБ". Разам з тым, сын сцвярджае, што затрыманне не звязанае з хабарам.

Уладзімір Ціхіня яшчэ з 1990-х гадоў лічыўся галоўным змагаром са злодзеямі ў законе. У адстаўку ён сышоў у снежні 2019 года, атрымаўшы пры гэтым ганаровы медаль МУС.

Адной з апошніх спраў Ціхіні было расследаванне гучнага забойства беразінскага бізнэсоўца Мяцельскага. Яго знайшлі ў згарэлым аўтамабілі ў верасні 2016 года. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.