Каранавірус выявілі ў паўтары тысячы медыкаў Віцебскай вобласці

Каранавірус выявілі ў паўтары тысячы медыкаў Віцебскай вобласці

У Віцебскай вобласці да працы вярнуліся 308 медыкаў, якія перанеслі каранавірусную інфекцыю. Такую лічбу на пасяжэнні абласнога штаба па барацьбе з распаўсюдам COVID-19 назваў кіраўнік абласнога ўпраўлення аховы здароўя Міхаіл Вішнявецкі, піша мясцовая газета "Віцьбічы". 

Раней гэты ж чыноўнік казаў, што паправіліся і вярнуліся да працы 20% медработнікаў, інфікаваных каранавірусам. 

Нескладаныя падлікі дазваляюць зрабіць выснову, што агулам на Віцебшчыне каранавірус выявілі прыкладна ў паўтары тысячы медыкаў. 

Таксама Вішнявецкі паведаміў, што з 1 красавіка па 12 траўня па вобласці выпісаныя больш за 5400 пацыентаў, якіх вылечылі ад пнеўманіі. 

Віцебск у красавіку стаў адным з асноўных цэнтраў распаўсюду каранавіруса ў Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі