Каля Скідзеля на чыгунцы перакуліўся вагон з 55 тонамі буракоў (фота)

Каля Скідзеля ў Гродзенскім раёне на чыгунцы перакуліўся вагон з 55 тонамі буракоў. Як інфармуе прэс-служба МНС Гродзенскай вобласці, здарэнне адбылося каля 4-й гадзіны раніцы 25 кастрычніка недалёка ад тэрыторыі цукровага камбіната. Агулам у цягніку былі 15 вагонаў. На месца быў адпраўлены рамонтна-аднаўленчы цягнік, які мусіў паставіць перакулены вагон на рэйкі.

Адзначаецца, што пацярпелых няма. Прычына здарэння пакуль невядомая. Здарэнне на рух цягнікоў не паўплывала.