Хуліган з "ружачкай" пагражаў у краме дзвюм жанчынам
Здарэнне адбылося каля 15-й гадзіны 23 кастрычніка ў адной з крамаў на мінскай вуліцы Жылуновіча.
Як інфармуе БелаПАН, спярша міліцыянты атрымалі паведамленне, што невядомы мужчына б'е шыбы ў краме. На месцы здарэння супрацоўнікі міліцыі пабачылі маладога чалавека, які пагражаў дзвюм жанчынам так званай "ружачкай" — рыльцам ад разбітай шкляной бутэлькі.
Міліцыянты затрымалі зламысніка. Цяпер высвятляюцца абставіны здарэння.
Фота — Вікіпедыя
