Хлопец хацеў пакарміць янота, а той скраў яго тэлефон

Гай Вільямс, студэнт з амерыканскага штата Кентукі, хацеў зняць пацешнае відэа з янотам. Ён уключыў смартфон і паклаў на зямлю камерай да звера, а сам пачаў карміць яго арэшкамі. Аднак яноту больш спадабаўся не ласунак, а смартфон: ён схапіў гаджэт у зубы і пабег.

Відэа, якое зняў янот, набрала 120 тысяч рэтвітаў. Цяпер на студэнта палююць навінавыя каналы. А што янот? Уцёк, і больш пра яго ніхто не згадвае.