Хакеісты мінскага “Дынама” згуляюць з маскоўскім “Спартаком”
Хакеісты мінскага “Дынама” 19 кастрычніка правядуць чарговы матч рэгулярнага чэмпіянату Кантынентальнай хакейнай лігі, у якім сустрэнуцца з маскоўскім “Спартаком”. Гульня пройдзе на “Мінск-Арэне” і пачнецца ў 19.30.
Мінчане маюць лепшыя, чым у сапернікаў, пазіцыі ў турнірнай табліцы канферэнцыі “Захад” КХЛ — яны займаюць 6-е месца з 35 ачкамі. “Спартак” пры гэтым займае 11-е месца з 26 ачкамі.
17 кастрычніка “зубры” згулялі на выездзе з “Сочы” і саступілі з лікам 1:2.
