Гурт “РСП” прэзентаваў альбом “Пасрэдствам срэдств” (слухаць)

Гурт “РСП” прэзентаваў альбом “Пасрэдствам срэдств” (слухаць)

Трэці паўнафарматны альбом “Разбітага сэрца пацана” “Пасрэдствам срэдст” мусіў з’явіцца яшчэ вясной. Пра гэта заяўлялася напрыканцы 2014 года падчас прэзентацый песні “Что-то не так” і кліпа на “Вам, наркаманам”. Абодва хіты, дарэчы, трапілі на пласцінку, прычым, без заўважных зменаў, менавіта ў тым выглядзе, у якім іх палюбілі аматары гурта. Але, як гэта звычайна і бывае з рэлізамі “РСП”, усё зацягнулася, і новы дыск афіцыйна выйшаў у пятніцу, 13 лістапада на 34mag.net. Цяпер музыкі спрабуюць “адбіць гукарэжысёра”, збіраючы грошы праз краўдфандынгавую платформу. Адбіць пакуль удалося на 15 мільёнаў.

"РСП" ужо даўно абяцаюць перайсці на адну з афіцыйных дзяржаўных моў Беларусі. Такім чынам хлопцы плануюць нарэшце пазбавіцца ад несур’ёнага ўспрыняцця іх высокай лірыкі. Але пакуль нешта не так. Неафіцыйная дзяржаўная і самая папулярная ў народзе мова — трасянка — пакуль застаецца асноўнай і на новым альбоме. Не апраўдваюць сталічныя балакі і чаканні прыцягнуць да ўдзелу ў запісе альбома мангольскі народны аркестр, пра які казалі яшчэ падчас падрыхтоўкі папярэдніка “Не налівай”. Хоць першы крок зроблены: дыск адкрывае трэк з гучнай і паказальнай назвай Intro, дзе вакаліруе, па словах саміх музыкаў, гастарбайтар з нейкай усходняй краіны.

А калі сур’ёзна, то “Разбітае сэрца пацана” з аднаго боку трымае марку сябе класічных, з іншага ― шукае сябе новых. Адсюль шмат цікавых і прагрэсіўных эксперыментаў, якія могуць быць успрынятыя неадназначна. "РСП" у новым альбоме ўжо не калдыры з аграгарадка, а адзінокія хіпстары.

Больш падрабязна пра кожны з 14 трэкаў чытайце тут.

Апошнія навіны

Галоўнае

Выбар рэдакцыі