Гомельскія дэмакратычныя сілы выстаўляюць кандыдатку ў Палату прадстаўнікоў
Галіна Краўчанка плануе балатавацца па Гомельскай-Навабеліцкай выбарчай акрузе № 36.
Там мусяць прайсці давыбары з той прычыны, што падчас парламенцкай кампаніі 2012 году не быў абраны дэпутат. Гэта адзіная ў нашай краіне акруга, якая не мае свайго прадстаўніка ў Палаце прадстаўнікоў.
Кандыдатуру Галіны Краўчанкі падтрымліваюць Рух "За Свабоду", Партыя БНФ, кампанія "Гавары праўду" ды іншыя дэмакратычныя арганізацыі. Давыбары адбудуцца 23 сакавіка 2014-га, разам з мясцовымі выбарамі.
Фота — svaboda.org