Гімназістка з Мядзела заваявала званне “Фотамадэль свету” (фота)
Кацярына Кавальская ўдзельнічала ў міжнародным конкурсе талентаў і прыгажосці ў Турцыі.
Вучаніца 11 класа гімназіі-інтэрната з Мядзела Кацярына Кавальская заваявала званне “Фотамадэль свету” на міжнародным конкурсе талентаў і прыгажосці ў Турцыі (ён праводзіўся ўжо 23-ы раз). Нашу краіну прадстаўляла чацвёра чалавек.
Як піша "Рэгіянальная газета", праграма была насычаная: разнастайныя конкурсы, дэфіле, фотасесіі. У выніку гімназістка заваявала званне “Фотамадэль свету” ва ўзроставай катэгорыі 16-18 гадоў.
Кацярына Кавальская выхоўваецца ў сямейным дзіцячым доме Жанны Кавальскай у вёсцы Занарач на Мядзельшчыне. Дапамаглі ёй паўдзельнічаць у конкурсе сямейны сацыяльны цэнтр “CentroLife” і іншыя мецэнаты.
Фота з сацыяльных сетак.
