“Газпрам” стаў даўжніком беларускага дзяржбюджэту
“Газпрам” стаў даўжніком беларускага бюджэту. Адпаведная інфармацыя размешчаная на сайце Міністэрства фінансаў. Кампанія ачоліла спіс неплацельшчыкаў сярод арганізацый недзяржаўнага сектара эканомікі Мінскай вобласці.
Як піша Ежедневник, гэта можа быць звязана з закрыццём прадстаўніцтва кампаніі. Такую неафіцыйную версію выказаў выданню прадстаўнік “Газпрам трансгаз Беларусь”. Раней у Мінску існавала прадстаўніцтва “Газпрама”, якое працавала з 1998 па 2015 год. Летась было вырашана яго зачыніць, бо ў краіне працуе 100-адсоткавае даччыннае таварыства “Газпрам трансгаз Беларусь”.
Запазычанасць перад бюджэтам можна растлумачыць нязначнымі грашовымі абавязаннямі прадпрыемства, якое знаходзіцца ў працэсе закрыцця.
