Фотарэпартаж з пажару ў Асмалоўцы ў доме, у якім адкрываў кавярню Кіркораў
Пажар адбыўся раніцай 12 верасня ў Мінску ў мікрараёне Асмалоўка ў двухпавярховым жылым доме па вуліцы Камуністычная, 20. Узгаранне адбылося ў адной з кватэр на другім паверсе. Па словах гаспадароў, з тэлевізара раптоўна пайшоў дым. Яны выйшлі з кватэры і патэлефанавалі ратавальнікам. Пажар быў хутка ліквідаваны.
Як інфармуе прэс-служба МНС Мінска, 81-гадовага гаспадара кватэры, у якой адбыўся пажар, шпіталізавалі, медыкі плануюць "дэталёва ацаніць стан яго здароўя".
Сайт sputnik.by дадае, што ў будынку, дзе адбыўся пажар, знаходзіцца вядомы буцік-кавярня Phood 4 you, Phill 4 you, на адкрыццё якога прыязджаў Філіп Кіркораў.
Фота: mchs.gov.by
