Фотафакт: тэрарыст Гіркін (Стралкоў) у тапках і з катом
Былы кіраўнік "абароны Славянска", а пасля і "міністр абароны" самаабвешчанай "ДНР" у жніўні з'ехаў з Данбаса і знаходзіцца ў Расіі.
Вяртацца ва Украіну ён не плануе, збіраецца змагацца з "пятай калонай" унутры Расіі. Гіркін наведваў манастыр на поўначы Расіі, пасля даў прэс-канферэнцыю ў Маскве. Цяпер жа ў сацыяльных сетках з'явілася яго новае фота: ён абдымаецца з невядомым вусатым мужчынам ды трымае ў руках ката.
Нагадаем, Ігар Гіркін (Стралкоў, "Стралок") — масквіч, палкоўнік ФСБ ў адстаўцы. З лютага 2014-га знаходзіўся на тэрыторыі Украіны, ствараў незаконныя ўзброеныя фармаванні, якія ваявалі супраць украінскіх уладаў.
