Фотафакт: 20 гадоў таму ўкраінская вёска прасілася ў склад Беларусі

"Паважаны Станіслаў Станіслававіч! Просім Вашага рашэння аб далучэнні нашай вёскі да Беларускай рэспублікі, аддзяліўшы яе ад Украіны...", — цытавала пасланне мінская газета "Голас Радзімы".


Вяскоўцы спасылаліся на тое, што да Пінска ім лягчэй дабрацца, чым да Зарэчнага. Да таго ж яны хацелі б мець беларускія грошы. Жыхары Ніговішча падкрэслівалі, што большасць з іх — беларусы. У лісце адзначалася, што да Беларусі хацелі б далучыцца і вёскі Омыт ды Гарынічы.


Старшыня камісіі Вярхоўнага Савета Беларусі па нацыянальнай палітыцы і пытаннях СНД Міхаіл Слямнёў тады заявіў, што "Беларусь і Украіна з'яўляюцца прыхільнікамі Хельсінкскага пагаднення, у якім абгаворваецца прынцып непарушнасці межаў". Аднак дапусціў, што пры "добрай волі дзвюх рэспублік" можна было б здзейсніць абмен, аддаўшы ўкраінцам за тры вёскі "раўнацэнны ўчастак зямлі недзе ў іншым раёне". Гэтага аднак не адбылося.


Нагадаем, 18 чэрвеня Беларусь і Украіна зацвердзілі дамову аб дзяржаўнай мяжы. Будзе створана сумесная камісія па яе дэмаркацыі.
 

Эксперты: Украіна набыла ў Беларусі дамову наконт мяжы

Фота — Еўрарадыё, bymedia.net
 

Апошнія навіны

Галоўнае

Выбар рэдакцыі