Федэрацыя футбола Беларусі правяла перамовы з Віктарам Ганчарэнкам
Яго могуць прызначыць галоўным трэнерам нацыянальнай зборнай.
Як паведамляе сайт Offside.by, зранку 19 лістапада ў Доме футбола ў Мінску прайшла сустрэча кіраўніцтва беларускай федэрацыі футбола з Віктарам Ганчарэнкам. Абмяркоўвалася магчымае прызначэнне спецыяліста на пасаду галоўнага трэнера зборнай Беларусі. Вынікі перамоваў пакуль не вядомыя.
Нагадаем, 13 лістапада Віктар Ганчарэнка быў звольнены з краснадарскай "Кубані", якая гуляла ў расійскай прэм'ер-лізе.
Акрамя Ганчарэнкі ў якасці кандыдатаў на пасаду галоўнага трэнера зборнай называліся імёны Аляксандра Хацкевіча і Хрыста Стоічкава. Пакуль што каманду часова ўзначальвае Андрэй Зыгмантовіч.
ФК "Тосна" гатовы запрасіць Віктара Ганчарэнку галоўным трэнерам
Фота — by.tribuna.com
