Эштан заклікала ўлады Украіны не выкарыстоўваць сілу
Кіраўніца дыпламатыі ЕС зрабіла заяву напярэдадні свайго візіту ва Украіну.
Кэтрын Эштан заклікае афіцыйны Кіеў да максімальнай стрыманасці на фоне паведамленняў пра штурм спецназам офіса апазіцыйнай партыі "Бацькаўшчына" і яго разгрому. Яна папярэджвае, што гэтыя падзеі могуць сарваць перамоўны працэс.
Візіт Кэтрын Эштан запланаваны на 10-11 снежня. Яна мусіць сустрэцца з украінскім прэзідэнтам Віктарам Януковічам.
Нагадаем, ва Украіне ад 21 лістапада, калі ўрад адклаў падпісанне дамовы аб асацыяцыі з ЕС, працягваюцца акцыі пратэсту прыхільнікаў еўраінтэграцыі. Апазіцыя патрабуе адстаўкі ўраду, прызначэння датэрміновых парламенцкіх і прэзідэнцкіх выбараў.
Як выглядае разгромлены офіс "Бацькаўшчыны" ў Кіеве (фота, відэа)
Фота — AFP
