Два гамельчукі напалі на таксіста з нажом
Яны паранілі мужчыну і забралі 160 тысяч рублёў (троху больш за 10 долараў) і відэарэгістратар.
У Гомелі два мужчыны напалі з нажом на таксіста і паранілі яго.
Як паведамляе БЕЛТА, 28-гадовы кіроўца таксі падвозіў двух пасажыраў на аўтамабілі "Опель Вектра". Калі кіроўца прыпаркаваўся, пасажыры накінуліся на яго і сілай забралі 160 тысяч рублёў (троху больш за 10 долараў). Таксама здабычай нападнікаў стаў відэарэгістратар. Потым нападнікі паранілі мужчыну нажом — праўда, неглыбока.
Таксовец звярнуўся ў міліцыю. Неўзабаве праваахоўнікі высветлілі асобы падазраваных і затрымалі іх. Гэта былі два гамельчукі: аднаму 35 гадоў, другому — 30. На іх пачалі крымінальную справу за рабаванне.
Фота — onliner.by