Драгічынская пенсіянерка знайшла рарытэтны рэвальвер
Бабулька здала у міліцыю “Наган” 1938 года выпуска.
Як паведамляе газета “Драгічынскі веснік”, рэвальвер знаходзіўся ў выдатным стане і меў поўны барабан патронаў. Жанчына кажа, што зброю яна знайшла ў хаце свайго памёрлага бацькі, які пад час Другой сусветнай вайны быў савецкім партызанам.
Мяркуецца, што пасля адпаведнай экспертызы “Наган” адмыслова сапсуюць і перададуць у экспазіцыю Драгічынскага ваенна-гістарычнага музея.
