Долар вырас на 871 рубель, еўра — на 1098
Курсы валют у Беларусі б'юць усе рэкорды.
У панядзелак, 24 жніўня, Нацбанк вызначыў новыя курсы валют з улікам таргоў на Беларускай валютна-фондавай біржы.
Долар падаражэў на 871 рубель, з 16 730 да 17 601 рубля.
Еўра вырас на 1098 рублёў, з 18 837 да 19 935.
Курс расійскага рубля вырас з 245,72 да 247,3 беларускага.
Беларускі рубель знізіўся да кошыка валют на 3,54%.
За мінулы тыдзень, з панядзелка, 17 жніўня, да пятніцы, 21 жніўня, долар вырас паводле курсу Нацбанка з 16 024 да 16 730 рублёў (на 706), еўра — з 17 736 да 18 837 (на 1101 рубель).
Банкі ўжо прадаюць долар за 18 200, а еўра за 20 900.