ЦВК Украіны зарэгістравала ўжо 7 кандыдатаў у прэзідэнты
На паседжанні ў нядзелю было прынятае рашэнне аб рэгістрацыі былога дэпутата Валерыя Канавалюка і кіеўскага бізнесмена Уладзіміра Саранава.
Яшчэ пяць кандыдатаў было зарэгістравана раней. Гэта былы першы намеснік генпракурора Украіны Рэнат Кузьмін, былы віцэ-прэм’ер Юрый Бойка, народны дэпутат ад Партыі рэгіёнаў Сяргей Цігіпка, эка-кіраўнік Харкаўскай абласной адміністрацыі Міхаіл Добкін і кіраўніка Усеўкраінскага габрэйскага кангрэсу Вадзім Рабіновіч.
Усяго ж у ЦВК падалі дакументы 23 прэтэндэнты на пасаду кіраўніка дзяржавы. Тэрмін падачы дакумента для рэгістрацыі кандыдатаў заканчваецца ў нядзелю а 24.00, інфармуюць украінскія СМІ.
Выбары прэзідэнта адбудуцца 25 траўня.
